شىنجاڭدىكى ئەڭ نوپۇزلۇق كارخانا باشقۇرۇش قانۇن مەسلىھەتچىلىك مۇلازىمەت ئاپپاراتى _ شىنجاڭ ئوقيا ماركا- پاتېنت ئىشلىرى چەكلىك شىركىتى كەڭ كارخانىچىلار جۈملىدىن ئاز سانلىق مىللەت كارخانىچى، يەككە سودا- سانائەتچىلەرنىڭ مەمۇرىي رەسمىيەت بېجىرىش، ھوقۇق قوغداش، كارخانا باشقۇرۇش ئىشلىرىغا  پائال يار- يۆلەك بولۇپ، ئەل- ئاۋامنىڭ ماددىي بايلىقىنى كۆپەيتىشكە ئەقىدە قىلىپ، ماركا رويخەتكە ئالدۇرۇش، پاتېنت تىزىملىتىش، شىركەت قۇرۇش ھەم شۇنداقلا ماركا- پاتېنت، شىركەت ھوقۇقىنى قوغداش، كارخانىچىلارنى تەربىيىلەش قاتارلىق جەھەتلەردە بىر قاتار ئەھمىيەتلىك ئىشلارنى قىلىپ، ئۆز ئەجرىگە مۇناسىپ ئىززەت- ھۆرمەتكە نائىل بولدى.      
       ئوقيا شىركىتىنىڭ ئەسلىسى 1998- يىلى ئۈرۈمچى شەھىرى يەنئەن يولى شىنخۇا كىتابخانىسىنىڭ ئارقىسىدىكى قورۇدا قۇرۇلغان «ئۈرۈمچى تەكلىماكان ئېلىكتىرونلۇق مەتبەئە لايىھەلەش مەركىزى» بولۇپ، كارخانا نامى 2000- يىلى «ئۈرۈمچى ئوقيا ئېلىكتىرونلۇق سودا مەركىزى» گە، 2003- يىلى «شىنجاڭ ئوقيا ماركا ۋاكالەتلىك ئورنى» غا، 2007- يىلى ھازىرقى شىركەت نامىغا ئۆزگەرتىلگەن. 12 يىلدىن بۇيان، كارخانىنىڭ نامى، تۇرالغۇسى، تىجارەت تۈرلىرى ئۆزگىرىپ- يېڭىلىنىپ تۇرغان بولسىمۇ، كارخانا ھەمكارلىق كوللىكتىپىنىڭ «ئوقيا» نى ۋاسىتە قىلىپ تۇرۇپ ئەلگە خىزمەت قىلىش ئىرادىسى قىلچە بوشاشقىنى يوق. 
      ئىلگىرى «ماركا» دېسە كىشىلەرنىڭ كۆز ئالدىغا پوچتا ئارقىلىق يىراققا سالام خەت يوللىغاندا كونۋېرتنىڭ ئوڭ بۈرجىكىگە چاپلىنىدىغان بەلگە كېلەتتى. ھازىر «ماركا» دېگەن ئۇقۇم تۈپتىن يېڭىلىنىپ، بازاردىكى ئوخشاش تۈردىكى تاۋار ياكى مۇلازىمەتنىڭ مەنبەسىنى پەرقلەندۈرۈش ئىقتىدارىغا ئىگە بۇ بەلگە ئىقتىسادىي تۇرمۇشنىڭ ھەرقايسى قاتلاملىرىغا چوڭقۇر سىڭىپ كىرىپ، پۇقرالارنىڭ مال سېتىۋېلىش ۋاقتىنى قىسقارتىش، بازارنى ئاۋاتلاشتۇرۇش قاتارلىق جەھەتلەردە ناھايىتى مۇھىم رول ئويناۋاتىدۇ. ئوقيا شىركىتى ئۇيغۇر جامائەتچىلىكىگە زامانىۋىي ماركا ئۇقۇمىنى تونۇشتۇرۇش، تەشۋېق قىلىشقا ھەممىدىن كۆپ ئەجىر قىلغان ئىجتىمائىي تەشكىلات بولۇپ، ئون نەچچە يىلدىن بۇيان، ئۇقيا شىركىتىنىڭ قۇرغۇچىسى ئابلىكىم ھۈسەيىن ئوقيا ئەپەندى شىنج......